جەژنانە ئەرا خانەنشینەیل لە عراق وەبوونەی جەژن قوربان
شەفەق نیوز/ وەزیر کاروبار کۆمەڵایەتی، ئەحمەد ئەسەدی، ئمڕوو پەنجشەممە، راگەیان 100 هەزار دینار جویر جەژنانە درێدە خانەنشینەیل بیمەکریاگ وەبوونەی جەژن قوربان.
ئەسەدی لە ڤیدیۆیگ کە ئاژانس شەفەق نیوز دیەسێ راگەیان، وە بوونەی جەژن قوربان، 100 هەزار دینار درێدە خانەنشینەیل کراکارەیل بیمەکریاگ و ئێ جەژنانە لە حالەتیگ درێد ئەگەر خانەنشینەگە مردوێد.
