ئازادکردن تیکتۆکەر "حسحس" وە کەفالەت دارایی
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە ئازادکردن تیکتۆکەر حسام ئەمیر ناسریاگ وە "حسحس" وە کەفالەت دارایی لەدویایی چەن رووژیگ لە دەسگیرکردنی وە توومەت ناوڕۆک ئاست نزم.
پۆلیس عراق، رووژ شەممەی وەرین، "حسحس" وە توومەت ناوڕۆک ئاست نزم دەسگیرکرد، کە لە بان تووڕەیل کۆمەڵایەیتی بڵاویکردبوی.
سەرچەوەیگ ئەمنی وە ئاژانس شەفەق نیوز خەوەردا، "دەسگیرکردنەگەی (حسحس) لەدویای کاریگ پیشەیی و وەدویاچگن وەردەوامەیل هات لە میانەی رێکارەیل لیژنەی ناوڕۆک ئاست نزمەیل لە وەزارەت ناوخوەی".
