مردن هونەرمەن کورد سوریا جوان حەسەن وە هیزگردن ئاگر لەناو ماڵیان

شەفەق نیوز/ شەوەکی ئمڕوو پەنجشەممە، هونەرمەن ناودیار کورد جوان حەسەن لە تەمەن 45 ساڵی وە مدوو زەخمداریبوین سەختیگ وە هیزگردن ئاگر لەناو ماڵەگەی وە مدوو دزەکردن غازگیان لەدەسدا.

رویداوەگە رووژ سێشەممە 20 ئایار رویدا، هەنای هەنای ئاگر وەناو ماڵ جوان حەسەن هیزگرد لەشار عەفرین باکوور خوەرئاوای سوریا لە ئەنجام تویش  95% سزیان هات، وەپای راپۆرتەیل پزیشکی کە لە خەستەخانەی شار حەلەب دەرچگە هەنای لەژیر چەودێری چڕ بوی.

 هونەرمەن جوان حەسەن لە شار عەفرین لەساڵ 1980 لەداڵگبویە لە ساڵ ٢٠١٨ شارەگەوەجی هیشت دویای ئەوەگ کوتلە چەکدارەیلەر  سەروە تورکیا دەسگردن وەبان شارەگە،   سەرەتا رویکردە  ناوچەی ئەلشەهبا لە باکوور حەلەب، وەرد ژن و چوار مناڵەگەی   لە شاری عامودە مەن، لە چوارچمگ ناوچەیل ئیدارە سەروەخوەیل.

 هونەرمەن کووچکردگ ە کۆمەڵە گورانیەیلی ناسریابوی کە خوەی نیسانبویە و پێشکەشی کردوین، هەمیش گورانی ئەرا شمارەیگ گورانیچڕ ناسریاگ نویسانییە، لە گوزەشتە جویر پێشکشکار لە دەزگایەیل راگەیانن ناوخوەیی کارکردیە.