لە ماوەی پەنج ساڵ رێژەی بازرگانەیل مادەی هووشبەر ئەرا چوار ئەوەنە زیای کردیە لەهەرێم کوردستان

شەفەق نیوز/ رێکخەر راسپاردەیل ناودەوڵەتی لە هەرێم کوردستان دیندار زێباری، ئمڕوو پەنجشەممە، راگەیان شمارەی بازرگانەیل مادەی هووشبەر و کاریگەری دەروینیەیل ئەرا چوار ئەوانە بەرزەوبویە لەماوەی پەنج ساڵ لە هەرێم.

زێباری لە میانەی میوانیکردنی لە سیمیناریگ گفتوگوکردن لەبان هەڵمەت نیشتیمانی رویوەڕویبوین مادەی هووشبەر  کە وەلایەن حکومەت دەسوەپیکردیە وت " لە سەرەتای کانوون دویەم 2024، تا 31 کانوون یەکەم هەمان ساڵ شمارەی توومەتبارەیل کە دەسگیرکریانە ماوەی سزاگەیان لەزیندان چاکسازی وەسەربەن رەسێدە  1568 زیندانی".

ئاشکرایکرد "لە ساڵ 2025 تا ئیسە نزیکەی 200 زیندانی هانە ئەو زیندانە" وتیش "ئیرنگە نزیکەی  1700 زیندانی وە تومەت بازرگانیکردن و بڵاوکردن مادەی هووشبەر هانە زیندانەیل هەرێم کوردستان".

زێباری وتیش؛ "لە ساڵ 1019 شمارەی زیندانیەیل بازرگانەیل 212 کەس بوی بڕ گشتی سزادریاگەیل ئەو ساڵە رەسەی  1282 کەس"، دیاریکرد "شمارەی بازرگانەیل وە مادەی هووشبەر لەماوی ساڵ 2024 ئەرا چوارچەنە خوەی زیایکردیە".